२५ असार, बागलुङ । बागलुङको जैमिनी नगरपालिका–९ पैयुथन्थापस्थित कालुङ्खोले उपल्लो कालुङ्खोला लघुजलविद्युत् आयोजनाको बाँध र पावरहाउस बगाएको छ ।
आज बिहानको बाढीले आयोजनाको बाँधसँगै पावरहाउस बगाएको स्थानीय गायत्री आचार्यले जानकारी दिनुभयो । गत वर्ष रु ३५ लाख खर्चेर निर्माण गरिएको स्टिल पुल पनि बगेको आचार्यले बताउनुभयो ।
बाढीले केन्द्रीय विद्युत् प्रसारण लाइनको ट्रान्सफर्मरमा पनि क्षति भएको छ । ट्रान्सफर्मरमा क्षति भएपछि स्थानीय विद्युत् पैयुथन्थापका १३० घरमा बिजुली आपूर्ति बन्द भएको छ ।
पैयुथन्थापको खरियाबोटका दुई परिवार बाढीबाट विस्थापित भएका छन् । सात परिवार बाढीपहिरोको जोखिममा रहेका स्थानीय आचार्यले बताइन् ।
खोला ले गायत्री लगायत का को धरै खेत बारी बगाउनु का साथै खोला किनारमा लगाइएको धानबालीमा पनि बाढीबाट नीकै क्षति भएको छ ।जैमिनी नगरपालिका–९, पैयुँथन्थापस्थित सराते खोलामा आएको बाढीले स्थानीय लघुजलविद्युत् आयोजना बगाएको छ । विद्युत् गृह बगेसँगै स्थानीयले विद्युत सेवा नपाउँदा फोन तथा अन्य सेवा लिन नसकेको गुनासो गरेका छन् । सराते खोलाको १२ किलोवाट क्षमताको लघुजलविद्युत् आयोजनाको विद्युत् गृहसँगै तीनवटा झोलुंगे पुल पनि बगेको उपप्रमुख हरिहर शर्माले जानकारी दिए ।
उक्त विद्युत् गृहबाट सेवा लिँदै आएका झन्डै २०० घरमा विद्युत् सेवा अवरुद्ध भएपछि स्थानीयले फोनसमेत गर्न नसकेको बताएका छन् । शर्माका अनुसार बाढीले स्थानीय टेकबहादुर थापाका दुई वटा गोरु बगाएको, एक दर्जन घर जोखिममा परेका, १० वटा सिँचाइ कुलो बगाएको तथा ९ सय मुरी धान फल्ने खेत बगरमा परिणत भएको प्रहरीको प्रारम्भिक प्रतिवेदनमा उल्लेख छ । सडक क्षतविक्षत भएकाले जैमिनीदेखि बरेङ जाने यातायात पनि पूर्ण रूपमा ठप्प भएको छ ।नगरपालिकाले स्रोतसाधन परिचालन गरी सडक खोल्ने, पीडितलाई राहत दिने लगायतका कार्य गरिरहेको जनाएको छ । पहिरो खस्दा वडा नं. ९ कै पैयुँथन्थापदेखि राङखानीतर्फ जाने ठेउले खोलाका तीनवटा झोलुंगे पुल बगेको वडा अध्यक्ष सन्दीप थापाले जानकारी दिए । बाढीले ताराखोला गाउँपालिका–३, मलेनस्थित माछापालन पोखरी बगाएको छ। साथै, आसपासका खेत बगेका छन् भने केही घर जोखिममा परेका छन्।
No comments:
Post a Comment